Bangunan Urang Sunda
Di
Tatar Sunda, seueur pisan sesebatan anu ditujukeun kana hiji adegan
atanapi wangunan. Ngaran wawangunan jaman baheula anu perlu
dikanyahokeun, kirang langkung :
Babancong
 |
| Babancong |
Babancong nya eta wangunan leutik rada luhur di sisi alun-alun, minangka panggung paranti gegedén. Biasana sok dianggo biantara.
Bagan/Bagang
 |
| Bagan |
Bagan atanapi sok aya nu nyebatkeun Bagang, nya eta saung ranggon di laut paranti Pamayang – tukang ngala lauk di laut, masangkeun sirib atawa jaring.
Gosali
 |
| Gosali |
Gosali teh nya eta adegan tempat digawé Panday –tukang nyieun parabot tina beusi. Salian ti Panday, anu tukang nyieunan parabot téh aya sesebutan lain. Palédang – tukang nyieun parabot tina tambaga, Gending – tukang nyieun parabot tina kuningan jeung Kamasan –tukang nyieun parabot tina emas atawa pérak.
Gedogan
 |
| Gedogan |
Gedogan
nya eta adegan/kandang kuda, sok disebat oge istal. Nu numpakan kuda
sok disebat Sais atanapi Kusir. Nanging sanes Sais/Kusir wae sesebatan
kanggo anu numpakan kuda teh, aya deui anu disebat Kulaer nya eta kusir
anu tumpakna dina kuda karéta pangagung, teras aya Palatuk nya eta anu
tumpak kuda saheulaeun pangagung keur méré iber (béja).
Karapyak
 |
| Karapyak |
Karapyak
nya eta adegan/kandang munding atawa sapi anu biasana sok dikurilingan
ku pager. Tapi aya oge anu masihan nami lain kanggo kandang munding/sapi
teh, sapertos: Saung Munding atanapi Saung Sapi.
Kobong
 |
| Kobong |
Kobong nya eta kamar leutik kanggo para santri anu mukim di Pasantren, mun kiwari mah sok nelah Asrama.
Langgar
 |
| Langgar - Tajug |
Langgar nya eta adegan tempat salat atawa diajar ngaji di Pakampungan. Salian ti eta, aya oge sesebatan Tajug nya eta masjid leutik di Pakampungan.
Lio
 |
| Lio |
Lio
nya eta saung tempat nyieun kenténg atawa bata. Biasana anu didamel
dina eta Lio sok kenging landian Anjun (tukang nyieun parabot tina
taneuh).
Pagupon
 |
| Pagupon |
Pagupon nya eta adegan/kandang japati.
 |
| Pagupon - kandang japati |
Palalangon
Palalangon
nya eta tempat nempo ti kajauhan. Kaayaanna leuwih jangkung ti saung
ranggon. Tempatna oge milih tempat anu luhur sangkan leuwih nenggang.
Pangbelokan
 |
| Pangbelokan |
Pangbelokan nya eta wangunan tempat ngabelok jalma gélo anu galak, dibelok teh supados teu ngaganggu ka nu lian.
Pangbérokan
 |
| Pangberokan |
Pangberokan nya eta wangunan tempat ngerem jalma jahat atawa Jinem –nu dihukum. Patugas anu ngajaga Pangbérokan, osok disebat Kajineman: mandor sakitan (tukang ngajaga Jinem).
Paranje
 |
| Paranje |
Paranje nya eta adegan/kandang hayam.
Saung Pangasoan
 |
| Saung Pangasoan |
Saung
Pangasoan nya eta saung tempat ngaso atawa reureuh anu keur nyaba.
Biasana loba anu dagang lahang, bubuahan jeung kadaharan.
Saung Ranggon
 |
| Saung Ranggon |
Saung Ranggon nya eta saung di tengah huma/sawah paranti tunggu paré sangkan ulah ku manuk.
Cag...Hapunten upami lepat.
Tidak ada komentar